URKIDE ikastetxean 15 urtetik gora daramagu gure ikasleei udako programak eta irteerak eskaintzen, ingelesa modu paregabean ikas dezaten, hau da, hizkuntzaren jatorrizko herrialdeetara joanez.
Hori dela eta, uztailean 3 asteko programak eskaintzen ditugu Irlandan eta/edo Erresuma Batuan.
Programa horien helburua da Britainia Handiko zein Irlandako kultura eta bizimoduekin zuzeneko harremana izatea. Atzerrira modu antolatuan eta seguruan joateko modu ezin hobea da.
Bi programa mota daude.
Erabateko murgilketa, batetik, eta eskolak eta jarduerak eskaintzen dituen programa, bestetik. Programa horiek uztailean egiten dira.
URKIDEtik, estudiosenelextranjero@urkide.org helbide elektronikoaren bidez, udara begira dauden aukerei buruzko aholkuak emango dizkizuegu.
