MISIOA ETA IKUSPEGIA

MISIOA

1.- KOOPERATIBA INTEGRATZAILEA

URKIDE ikastetxea itunpeko ikastetxe bat da; Gasteizen eta euskal gizartean kokatzen da, eta mundura zabalik dago. Lan elkartuko kooperatiba batek sustatzen du, eta onura publikokoa eta irabazi‑asmorik gabekoa izatearen deklarazioa du.

Gure jarduera bi urterekin hasi eta Batxilergora eta Goi Mailako Heziketa Ziklo batera arte doa.

Guztiontzat zabalik dagoen hezkuntza‑komunitate bat gara, pertsonen eta bizi‑proiektuen aniztasuna barne hartzen dituena. Giro atsegina eta kooperatiboa sortzen dugu, ikasleekiko eta familiekiko hurbiltasuna zainduz, eta hezkuntza‑komunitate osoak gure proiektuan parte hartzea ahalbidetuz.

2.- AURRERAPENERAKO HEZTEN DUGU

Gure hezkuntza‑proiektua berritzailea da, propioa eta malgua, eta etengabe ari da eboluzionatzen, bai gizartean, bai hezkuntza arloan gertatzen diren aldaketetara egokitzeko. Prestakuntza akademikoaren, balioen eta gizartea eraldatzeko tresnen arteko oreka bilatzen du.

3.- PERTSONA BAKOITZA ERRONKA BAT DA

Ikasleak dira komunitate osoaren hezkuntza‑ekintzaren ardatza. Gure asmoa da pertsona bakoitzaren talentuak aurkitzea eta indartzea, bakoitzaren ezaugarriak eta ikaskuntza‑erritmoak kontuan hartuz (Urkide Bidean).

Garrantzi berezia ematen diogu tutoretza‑ekintzari (zutoretza), laguntza emozionalari eta guztiontzako ingurune seguru eta akuilagarria sortzeari.

4.- URA: TALDEZ OSATUTAKO TALDEA

Gure kudeaketa arina, malgua, erraza eta eraginkorra da. Haren oinarriak talde sortzaileak eta independenteak dira —hezkuntza‑lanerako elkarren arteko lotura dutenak—, eta baita etengabeko hobekuntza ere.

5.- EMAITZA ONAK

Pertsonen gogobetetasunean, kudeaketan eta hezkuntza‑helburuetan emaitza onak lortzeko lan egiten dugu.

ILUSIOAK NAHI DUGUN
ETORKIZUNERA GARAMATZA

IKUSPEGIA

Urkide erreferentziazko ikastetxe gisa sendotzea nahi dugu eta, horretarako, honako arlo hauek jorratzen ditugu:

1.- Gure Hezkuntza Proiektua eraldatzea, pedagogia dinamiko eta berritzaile batekin, pertsona ardatz duen ereduan arreta jarriz (Urkide Bidean), eta tutoretza‑ekintza adostu, malgu eta moderno batekin.

2.- Ikasleak beren ikaskuntzaren protagonista izatea, ikastetxeko bizitzan parte hartze aktiboa izatea eta beren buruen bertsio onena garatzea, gizartea eraldatu ahal izateko, beren sustraiak ahaztu gabe.

3.- Ikastetxearekin eta haren Hezkuntza Proiektuarekin konprometitutako langile taldea izatea, beren sormen profesionala parte hartzen duten talde guztietan eskain dezaten, ezarritako helburuak zein Urkide Bidean lortzen laguntzeko.

 4.- Hezkuntza‑komunitate osoak ikastetxearen bizitzan ahalik eta konpromiso eta parte hartze handiena izan ditzan lortzea, guztien arteko harreman afektibo onak sustatuz, betiere oinarritzat hartuz elkarrekiko errespetua, ilusioa, positibotasuna, umore ona eta hurbiltasuna.

5.- Gure kudeaketa soila, sortzailea, gardena eta zintzoa sendotzea. Kudeaketa hori etengabeko hobekuntzan eta etengabeko berrikuntzan oinarrituko da, eta aliantzak bultzatuko ditu gure proiektua aberasten duten era guztietako erakundeekin.

IKUSPEGIAREN BAITAKO BOST ILUSIO HORIEK BAKARREAN LABURBIL DAITEZKE:

guztion artean adostutako ikasleen, irakasleen eta ikastetxearen profilera ahalik eta gehien hurbiltzea.
URKIDE BIDEAN.